Kush i përpunon të dhënat
Kontrollues i të dhënave është ordinanca Elevate Physiotherapy, e përfaqësuar nga PT Dea O. Beka, me seli në Prishtinë, Kosovë. Për çdo pyetje lidhur me të dhënat tuaja mund të na shkruani në elevatefizio@gmail.com ose të na telefononi në +383 45 954 208.
Çfarë të dhënash mblidhen
Përmes formularit të rezervimit mblidhen vetëm të dhënat e nevojshme për të caktuar terminin: emri dhe mbiemri, numri i telefonit, email-i nëse e jepni, arsyeja e vizitës dhe koha që ju përshtatet. Përshkrimi i shkurtër që shkruani vullnetarisht mund të përmbajë informacion shëndetësor. Formulari nuk ruan asgjë në server: kërkesa dërgohet drejtpërdrejt nga programi juaj i email-it ose nga WhatsApp.
Pse përdoren
Të dhënat përdoren vetëm për t’ju kontaktuar, për të caktuar ose ndryshuar terminin dhe për të përgatitur vlerësimin tuaj. Nuk përdoren për reklama dhe nuk u shiten apo u jepen palëve të treta.
Sa gjatë ruhen
Të dhënat e kërkesave për termin që nuk shndërrohen në trajtim ruhen deri në 12 muaj dhe pastaj fshihen. Dokumentacioni i pacientëve që kanë ndjekur trajtim ruhet për aq kohë sa kërkon legjislacioni shëndetësor në fuqi për dokumentacionin mjekësor dhe përdoret vetëm për vazhdimësinë e kujdesit tuaj.
Të drejtat tuaja
Keni të drejtë të kërkoni qasje në të dhënat tuaja, të kërkoni korrigjimin e tyre nëse janë të pasakta, të kërkoni fshirjen e tyre kur nuk ka detyrim ligjor për t’i ruajtur, dhe të tërhiqni pëlqimin në çdo kohë. Mjafton të na shkruani në email-in më lart.
Cookies dhe shërbime të palëve të treta
Kjo faqe nuk përdor cookies gjurmuese dhe nuk ka mjete analitike të palëve të treta. Videot luhen direkt nga serveri i faqes. Fontet ngarkohen nga Google Fonts dhe harta e vendndodhjes nga Google Maps; të dy shërbimet mund të regjistrojnë adresën tuaj IP kur ngarkohen.
Konfidencialiteti profesional
Çdo informacion shëndetësor që ndani gjatë vlerësimit apo trajtimit trajtohet si konfidencial dhe ruhet sipas detyrimeve profesionale të fizioterapisë.